Medverknad

For kvar grunnskule er det for årstrinna 5.-7. og for 8.-10. trinn eit elevråd med representantar for elevane. Eit medlem av undervisningsperonale på skulen har som oppgåve å hjelpe elevrådet i arbeidet. Denne elevrådskontakten har møte- og talerett i elevrådet. Elevådet skal fremje fellesinteressene til elevane på skulen og arbeide for å skape eit godt lærings- og skulemiljø. Rådet skal også kunne uttale seg i, og kome med forslag i saker som gjeld elevane sitt nærmijlø.

Elevråd i grunnskulen er heimla i opplæringslova § 11-2. 

På kvar grunnskule er det eit foreldreråd der alle foreldre som har barn i skulen er medlemmar. Foreldrerådet vel eit arbeidsutvalg, som er meir kjent som FAU.

Foreldrerådet og FAU skal fremje fellesinteressene til foreldrene og medverke til at elevar og foreldre tar aktivt del i arbeidet for å skape godt skulemiljø. Det skal også arbeide for å skape godt samhald mellom heim og skule, legge til rette for trivsel og positiv utvikling hjå elevene og skape kontakt mellom skulen og lokalsamfunnet.

Foreldreutval er heimla i opplæringslova § 11-4.

Ved kvar grunnskule er det eit samarbeidsutval. I samarbeidsutvalet er elevane, dei føresette, undervisningspersonalet, andre tilsette og representantar frå kommunen representerte. Rektor skal vere den eine representanten frå kommunen, og den andre er ein politisk vald person.

Samarbeidsutvalet er skulen sitt øvste organ, og det har rett til å uttale seg i alle saker som gjeld skulen. Rektor har ansvar for å legge til rette for at rådet vert konstituert.

Samarbeidsutval ved grunnskular er regulert av opplæringslova § 11-1.

Ved kvar grunnskule er det eit skulemiljøutval. I skulemiljøutvalet er elevane, foreldrerådet, dei tilsette, skuleleiinga og kommunen representert.

Opplæringslova fastset at elevane skal vere engasjerte i planlegging og gjennomføring av det systematiske arbeidet for helse, miljø og sikkerheit ved skulen. Skulen skal legge oppgåver til rette for elevane etter kva som er naturleg for dei enkelte årstrinna.

Alle elevar i grunnskulen har rett på eit godt fysisk og psykososialt miljø som fremjar helse, trivsel og læring.

Meir om elevane sine rettar på skulemiljø kan du lese om i opplæringslova § 9a.

Skulemiljøutval er regulert av opplæringslova § 11-1a.

Foreldreutvalet for grunnskulen (FUG) er eit nasjonalt utval for og med barn i grunnskulen.
FUG er eit rådgivande organ for Kunnskapsdepartementet i saker som omhandlar samarbeidet mellom heim og skule. FUG driv utadretta aktivitet overfor foreldre med barn i grunnskulen og ivaretar foreldrene sine interesser i skulesamanheng.

Les meir om foreldreutvalet på nettstaden foreldreutvalgene.no

Foreldreutvalet for grunnskulen heimla i opplæringslova § 11-9.