Bygge utan å søke

For at du skal kunne bygge utan å søke må alle vilkåra under vere oppfylt. Om eit eller fleire vilkår ikkje er oppfylt må du søke om byggeløyve.

• Bygningen er frittliggande
• Bygningen blir plassert på bebygd eigedom
• Bruksareal (BRA) eller bebygd areal (BYA) ikkje overskrid 50 m2
• Bygningen skal ikkje innreiast for varig opphald (ikkje overnatting) 
• Mønehøgda ikkje overskrid 4,0 meter
• Gesimshøgda ikkje overskrid 3,0 meter
• Bygningen blir oppført i ein etasje utan kjellar
• Bygningen ikkje blir plassert nærare enn 1 meter frå nabogrensa
• Bygningen ikkje blir plassert nærare enn 1 meter frå anna bygning på same eigedom
• Bygningen ikkje blir plassert over vass- og avlaupsleidningar. 

Bygningen skal ikkje kunne bli brukt til "beboelse". Det betyr at bygningen ikkje kan innehalde kjøkken, stove, soverom eller våtrom. Bygningen kan brukast til bod, veksthus, søppelskur, sykkelskur, garasje, carport, vedbod og dukkehus. Bygninen kan også brukast til hobbyverkstad, atelier, lysthus, øvingslokale og liknande. 

Du treng ikkje søke om å sett opp tilbygg til eksisterande bygning så lenge det

• Ikkje kjem i konflikt med arealplan, planføremål, plankart eller andre føresegner som byggegrenser, avstandskrav og utnyttingsgrad på eigedommen.
• Tilbygget har eit bruksareal (BRA) eller bebygd areal BYA som ikkje er over 15 m2
• Knytt til seg maksimalt to etasjarr eller plan på den eksisterande bygningen
• Avstand til nabogrense må ver minst 4 meter

Tilbygget kan til dømes vere rom for varig opphald (som kjøkken, stove, soverom eller våtrom), understøtta veranda, ope overbygs inngangsparti, andre enkle takoverbygg med understøtting, søppelskur, ved- eller sykkelbod.

Eit tilbygg etter unntaket kan ikkje føre til at det godkjente føremålet med bygningen blir endra. Dersom bygningen berre innheld tilleggsdel frå før, kan den berre bli utvida med tilleggsdel. Ein garasje kan til dømes bli utvida med ei bod, men ikkje med soverom. tilbygget kan heller ikkje innehalde ein eigen sjølvstendig bueining, eller på anna måte føre til at det blir oppretta ei ny bueining utan søknad. 

Før du kan begynne å bygge, endre eller rive utan å søke må du kontrollere om det du skal bygge oppfyller krav og føresegner for å vere unnateke søknadsplikt.

• Det du skal bygge må vere i samsvar med gjeldande planføresegner for din eigedom. Det må vere i samsvar med planføremål, utnyttingsgrad, byggegrenser, avstandsreglar, høgdekrav, krav til utforming osv. 
• Dersom byggegrense mot kommunal veg ikkje er omtalt i eigen reguleringsplan for din eigedom, må du ta høgde for den generelle byggegrensa til kommunal veg som er 15 meter frå vegen si midtlinje. Dette kjem fram av veglova. 
• Etter plan- og bygningslova §1-8 kan du ikkje bygge nærare sjø enn 100 meter frå strandlina. Det kan vere at arealplanen for din eigedom har andre reglar. Det kan vere byggegrense til vassdrag i arealplanen. 
• Dersom det du skal bygge ikkje er i samsvar med planen for området, kan du søke om dispensasjon. Dersom du får innvilga dispensasjon, kan du utføre byggearbeidet utan å søke.
• Det kan vere du treng løyve eller samtykke frå andre styresmakter. Det kan vere landbruksstyremakta, vegstyremakta, kulturminnestyremakta m.m.

Dersom det førast opp fleire mindre bygningar på ein eigedom over tid vil det vere viktig å vere merksam på rammene i regulerings- eller kommuneplan, bl.a. om utnyttingsgrad for eigedommen. Planane kan begrense kva som kan byggast, kor det kan byggast og kor mykje som kan byggast på eigedommen. 

Bygging av garasje, tilbygg og andre mindre tiltak i LNF område?

Det er ikkje krav om nabovarsling etter plan- og bygningslova ved byggearbeid som er unntatt søknadsplikt. Vi oppmodar likevel at du tek kontakt med naboar og informerar dei om dine byggeplanar. Dersom du må søke dispensasjon må du sende nabovarsel. 

For byggearbeid som er unntatt søknadsplikt skal du melde i frå til kommunen etter at bygget er ferdigstilt, slik at kommunen kan oppdatere kart- og matrikkeldata. 

Du kan nytte skjema "Melding om bygning eller tilbygg unnateke søknadsplikt".

• Send skjema på e-post: post@fjaler.kommune.no
• Send skjema via digitale løysingar
• Send skjema i brevform til: Fjaler kommune, Dalstunet 20, 6963 Dale i Sunnfjord
• Møt opp på Fjalerhuset og lever skjema til servicetorget