Slå saman eigedommar

Kravet må vere signert av alle eigarane (heimelshavar)

• Eigedomane må ligge i same kommune
• Eigedomane må ha same eigar
• Samanslåinga må oppfylle matrikkellova §18 og matrikkelforskrifta §43
  • Gå vidare til heimesida for Lovdata for å lese matrikkellova §18
  • Gå vidare til heimsida for Lovdata for å lese matrikkelforskrifta §43
• Samanslåinga må ikkje føre til prioritetskollisjon mellom pantehavar.
  • Gå vidare til Kartverket sine heimesider for å lese om kva prioritetskollisjon er. 

Tinglyst heftelse

Dersom det er tinglyst pant på eigedomane, må panteforholdet vere likt på begge eigedomar før dei kan bli slått saman. Ulik pant fører til prioritetskollisjon. Om det er tinglyst urådigheit, må du legge ved skriftleg samtykke frå urådigheitshavar. 

• Pant er sikkerheit for eit økonomisk krav som er tinglyst i grunnboka
• Ei urådigheit er tinglyst i grunnboka, og er ein avtale om at eigar ikkje kan bestemme fritt over eigedomen. 

Kontakt Kartverket om tinglyst hefte på eigedomen frå deira heimsida. 

1. Fyll ut skjema: Skjema for Krav om samanslåing finn du på Kartverket si heimeside.
2. Du må oppgje alle eigedomane som skal bli slått saman.
3. Alle heimelshavarane må skrive under på skjemaet, og oppgje fullt fødselsnummer eller organisasjonsnummer.
4. Lever skjema til oss gjerne i lukka brev då det inneheld fødselsnummer

FJALER KOMMUNE, Dalstunet 20, 6369 Dale i Sunnfjord

Det kostar ingenting å slå saman eigedomar, men det vil kome tinglysingsgebyr når det er gjennomført.