Oppstart av arbeid med kommuneplanen sin samfunnsdel og høyring av forslag til planprogram

Kommunestyret gjorde i møte 19.12.2024 i sak KOM-097/24 følgande vedtak:

"I samsvar med plan- og bygningslova § 11-12 blir det varsla oppstart av arbeid med kommuneplanen sin samfunnsdel. Forslag til planprogram blir sendt på høyring og lagt ut til offentleg ettersyn, jf. plan- og bygningslova §§ 11-13 og 11-14. 

Forslag til planprogram

Planprogrammet er ein “plan for planen”. Utarbeiding av planprogram er ei lovpålagt oppgåve, jf. plan- og bygningslova § 4-1. 

Planprogrammet skal gjere greie for:

• føremålet med planarbeidet
• planprosessen med fristar og deltakarar
• opplegg for medverknad
• behov for utgreiingar / ny kunnskap

Her kan du lese forslaget til planprogram (PDF, 775 kB)

Har du innspel?

Dersom du har innspel til planarbeidet, kan du bruke innspelsskjemaet som du finn på Fjaler kommune si heimeside. Du kan også sende e-post til post@fjaler.kommune.no eller post til Fjaler kommune, Dalstunet 20, 6963 Dale i Sunnfjord, innan 2. mars 2025. Merk innspelet med saksnummer: 24/1687.

Folkemøte

I samband med høyringsprosessen vil det bli arrangert folkemøte i månadsskiftet januar/februar. Datoar for folkemøta er:

• Guddal: måndag 27. januar kl. 20-22. Stad: Guddal skule. NB! Endring i tidspunkt.
• Våge: onsdag 29. januar kl. 18-20. Stad: Framtun grendehus.
• Dale: tysdag 4. februar kl. 18-21. Stad: Fjalerhuset.
• Flekke: torsdag 6. februar kl. 18-20. Stad: Ungdomshuset Vonheim.

Vel møtt!